الرئيسية
غيب وتعال - هاشم ميرغنى
غيب وتعال
تلقانا نحنا يانا نحنا
ما غيرتنا ظروف
ولا هزتنا محنه
كم بعنا في الغرام
وإشترينا
غير هواك ما ربحنا
يا حبابنا يا شبابنا
يارباطنا يا سمحنا
غيب وتعال
تلقانا بي نفس الايادي
الراجفه مشتاقه
في ساعة سلامك
غيب وتعال
تلقانا بي نفس المشاعر
الطيبه الديمه
تطرب من كلامك
غيب وتعال
تلقانا بي نفس القلوب الياما
حزنت لما فقدت إبتسامك
والله بعدك يا غالي
لا غنينا ولا إنشرحنا
يا حبابنا يا شبابنا
يارباطنا يا سمحنا
تعال لينا
يا أنبل عواطف
طافت الدار الحزينه
تعال لي نفوسنا
إنت يا منبع عذابه
وأنت يا مصدر أنينه
تعال لي ليالينا البواكي
الكانت بتطرب يا زين
يوم تجينا
بالخطى الواعده ورزينه
لا نسيناك وإسترحنا
لا لقيناك وفرحنا
غيب وتعال
تلقانا نحنا يانا نحنا
---------
اهديتك القلب المعذب / هاشم ميرغنى
اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو
بي محنة الزول بيــــــــلوم
دمعة في الخدين بتجـــــري
كنت بأمل أنا في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمري
وكنت دايرك يا حبيـــــبي
لو مرة بي آلامي تــــــدري
في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
ما انت ما الزول المن عرفتو
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو
-----------------------
الســـــهد الألــــــيم - هاشـــم ميرغـــــــني
علمتني السهد الأليم
بكيتني إنت وما بكيت
نزلت دموع تحكي الفراق
وإنت عاندت وأبيت
حتى عمري العيشتو فيك
فرحتو إنت وأنا الشقيت
لازمني إحساسي القديم
الغيرو أبداً ما لقيت
تأسرني بي كلمات غرام
أبقى مقتول بالكلام
أسير في سجنك ليّ زمن
مكتوب عليّ النوم حرام
لاني عارف إني فيك
ولا إنت فيني وأنا الملام
بقيت أخاف من الفرح
لأنو بعدو بجي الخصام
جيت تقول البينا راح
ما أصلو رايح من بدأ
أصلو صرخات من غريق
حتى البحر ما بيردده
وعشمي في الزمن العنيد
غنياتي فيك ما يخلده
خلفت في قلبي الجراح
خلفت فيك ذكرى وصدى
-------------------------------------
انتى مامشتاقة ليّ - هاشم ميرغني
انتى مامشتاقة ليّ
ولا ماعارفة العليّ
لو خلاص خليتى ريدى
يكفينى خاتمك فى ايدىّ
مازمان قبال اسيبك
قلتى لى اوعك تطول
قلبى دايما فى رجاك
المحال غيرك يبدل
عشت بعدك كلي ذكرى
امسى بى طيفك واقيل
الليله قلبك لونسانى
غير عيونك وين اقبل
ما زمان قبال اسافر
كان فراقى كان صعب عليكي
شلت جرحى وفت منك
همى بس كان كيف اجيكي
جيت بى شوق الدنيا كلو
داير احس بى شوقى فيكي
بس لقيت اللهفة راحت
حتى عينيك ما عينيكي
شلت جرحى وفت منك
داير احس بى شوقى فيكي
شلت فرحى وجيت اسالمك
قايلك انتى تحسى بى
وانتى ما انتى الزمان
اصلى مامصدق عينى
انتى ما انتى الزمان لامن
قليبك بالفرح يحضن ايدىّ
داير افوت ياغاليه منك
ابكى واحضن فى الاسيه
إنت كنت وكان زمان - هاشم ميرغني
إنت كنت وكان زمان
إتلاشت صور الحبيبه
والسنين الباسمه راحت
صدقني ما بقدر اجيبه
ضاع معاك كل الامل
بعدو الاماني بقت صعيبه
لا لقيتني قادر إحتمل
لا لقيتك الفرحه القريبه
وإتكسر المجداف حزين
والريح بكت فوق الشراع
نزلت دموعي تبللو
لما الحلم من عيني ضاع
ما كنت قايلك زي سراب
بموجو يسقيني الخداع
داير افوتك وارتحل
لا زاد معاي ولا متاع
وينو سهري العشتو فيك
ما كنت أسعد من معاك
وريتني أكتب في الألم
واتوسد الاسى والهلاك
فتش عليّ تلقاني فيك
إلا قلبي الما لقاك
تنساني زي ما عرفتني
ما عاش وراك قلباً نساك
-----------------------------------------------
ما زمان بتقول عيونك - هاشم ميرغني
ما زمان بتقول عيونك
ريده مكبوب كلو ليّ
قلت ليك قلل حنانك
لما شفتو كتير عليّ
قصدي للاحزان تخلي
من فرحنا فرح شويه
عارف الايام صباحه
تاني يرجع لي أسيه
أنا يا غمام ما كنت قايلك
جناتي يوم بتفارقه
وتضيع معاك ايام سنيني
ما إتهنا جنبك باللقاء
إخترت نسيان الفات
وقليبي من قلبك شقا
حتى كلامك عيونك
في عيونك ما بقى
العيون سألتني منك
لما حست بيّ وحيد
طاريه زمن الريده بدري
لما كان الريد أكيد
بقيت أفتش على خيال
بيهو أتخيل وأريد
بيهو أرحل من عوالمي
لعوالم شوق جديد
------------------------------------------
أٌسبوع تمام - هاشم ميرغني
أٌسبوع تمام ...
أنا كنت عايش في الخيال
أنسج حروف سياله
زي دمع الحنين من عيني سال
أُسبوع تمام ...
أنا والنجوم بنسأل الليل الحزين
لو مره طيفِك ليهو طال
نسرد حكاوينا ونصبِّر في العيون
يا ريتنا نقدر نلقى حال
ما حالنا من بعدك عذاب
وفرحنا من بعدك محال
لوشفتي كيف نحن بنشيل كل الأمل
نفرُش طريقٍك بالورود
ولا مره هان لينا الوصال
وفي عينيّ شوقك ياعظيمه
زي السحاب
يناجيني ويتقاطر ليّ فال
ما إنت البشاره في كل عيد
وانا البعيد..لما القمر حكى ليّ قال
قال ليّ إنتي بعيده جنبو
وانا الهناك فوق الجمُر
ببني القصور من الرمال
أشتت الرمل الحزين
واسأل الودِع البيخدع
يقول ليّ جايه
معاي وجودك إستَحَال
أنا اسأل النخل البهاتي
قبِّل وجيهو مني مال
أنا اسأل الله يجيبني ليك
اخجل كتير من السؤال
ما دربي بعدِك ما سارو زولاً
وعينيّ ماشافت جمال
وبخلتي انتي بصوره لي
اساهر بيها ساعاتي الطوال
بس عزاي فوق الزمن
قوم يافرح اسرع تعال
نوِّر بزيناتك ضلامنا
طوف بالبوادي غنا وموال
رقِّص شبابنا الكلو ريد
وافرد ضفايرنا الطوال
ما انتي اول فرحه ليّ
خجلانه من الخجل ولاّ المجال
ما ترُدي قولي بريدك انتَ
ولاّ قولي ليّ كفاي سؤال
أنا أصلي ما سألتك براي..
بتسأل معاي كل العواطف في ابتهال
انا اصلي ما ردتك براي..
رادوك معاي
ناس الأرض وطيبة الأرض وزرع الأرض
قبل الظلال
أنا أصلي ما بشتاق براي..
بشتاق معاي الليل
وسري الدافنو فيهو والإنعزال
ده كلو في اسبوع تمام
صوَّرتك عروس مليانه
بي عطر الارض
ترقص تميل في الإنهدال
واهدل معاك عيني عجب
سبحان الخلقِك ذو الجلال
وخلقني حارسِك بالعيون
حأظل احرسك ياجمال
---------------------------------
كنوز الدنيا - هاشم ميرغني
لو كنوز الدنيا راحت
صدقيني روحته ما بتخسر
أنا إشتريت بيك عمري كلو
ما في غير فقدك بخسر
لو عجزت النظرات تعبر
خلي الغنا البكاي يفسر
لو وهبتك عمري كلو
تلقيني في ريدك مقصر
أصلي من شوفتك وحاتك
ناوي أبنيلك خميلة
لجمال ما شفنا زيو
لعيون نادرة وكحيلة
خوفي تبقي زي ندرة عيونك
بالوداد دايما بخيلة
تنسجي الأزهار عقودك
وتبقي شوفك مستحيلة
الغنيوه الحلوة ضاعت
والحروف بصعب أقولا
كنت في عيني نجمة
في سماها بعيد وصولها
بقيت في عيني دمعة
لسواك صعب نزوله
العيون ما شايفه غيرك
كفيفة لما يفوته زوله
----------------------------------
شوف العين - هاشم ميرغني
شوف العين قالت ده لا لا
صدت من تيها ودلالا
ريدتك ساكنة الجوف خلالها
و الاعضاء امتزجت خلالها
براق سنك شق لألأ
سهمك صاب احشاي قلالا
اسباب الغي و العلاله
ضمرته والخصر العلالا
نور في نور ياذا الجلاله
خدانك لمعاً جلاله
في الترنيع ماليك مثاله
علمتي الغصن الرتاله
شوفتك كم عاشق أتاله
وعاد مطعون بسهام قتاله
يانسام أوصف جماله
والقامة السيرك أماله
أوصف لي أسباب كماله
وقول لي أٌم خد هاجراني ماله
النسام شال الرسالة
وفي التوضيح روق رسالها
ذكرني الرطب العساله
وهاج الشوق والدمعة ساله
------------------------------------------------
ما مصيرو الحي بلاقي - هاشم ميرغني
أنت أصلك فيني باقي
مهما طال زمن احتراقي
وأصلي راجع لعيونك
ما مصيرو الحي بلاقي
بقيت بغيرك زول بيعيش
في وسط ضباب
حتى الليالي بقت تألم
رسمت على عيوني العذاب
ما مصيرو الحي بلاقي
مهما طال زمن الغياب
ما مصيرو الحي بلاقي
رغم البعد والأميال
رغم البينا من آمال
راجي الدنيا تبسم لي
أكتب فيك كلام ما أتقال
لا سمعوه قبالك
لا أتردد صدى وموال
أزرع بيهو صحاري الريد
من دون مويه لا تربال
ما مصيرو الحي بلاقي
----------------------------------------
ريدتك ساكنة الجوف خلالها
و الاعضاء امتزجت خلالها
براق سنك شق لألأ
سهمك صاب احشاي قلالا
اسباب الغي و العلاله
ضمرته والخصر العلالا
ودناصر نطالب بمحاكمتك عاجلا
----------------------------------------
حتى إنتِ - هاشم ميرغني
الشقى الفي دربك أنتِ
كنت برضو بحسو راحه
والسنين الضاعو مني
كنت رضيان بي رواحه
إلا هسه خلاص عرفتك
والعيون عرفت صباحا
مهما اشتاق لي عيونِك
ما بفكر في سماحها
ياحليل ايام عيونك
كانو وافين زي ما كنتِ
حتى إنتِ الزمن غشاك وخنتِ
----------------------------
أنا وين أدسك - هاشم ميرغني
أقول أشيلك في أحداق عيوني
أخاف النظر يجرح يمسك
أشيلك في حشاشات قلبي جوه
وبرضو الناس تحسك
أنا وين أدسك..
أشيلك في وتر بكاي
أخاف يقروك
في معاني غناي
ولاّ في رنة حزن
لو بح صوت الناي
ويضيع سراً
قايلو عندي براي
أشيلك في مدى الإحساس
يبين شوقي
الأصلو ما بنقاس
واخاف يقروك
في عيوني نعاس
بس قول لي أنا وين أدسك
من عيون الناس
أقول أشيلك في عيوني حنان
أخاف يلقو ريدك
مني وين ما كان
أنا والله صدقني يا إنسان
ما لاقي ليك مكان
وهكذا ستظل الكلمه الرصينه محفوره فى قلوبنا
وسيظل الشعر السودانى اداءة لتغذية العقول قبل القلوب
وستظل مفردات الزمن الجميل تغرد فى سماء الأغنيه السودانيه
وسيبقى هاشم ميرغنى ورفاقه الراحلين عن دنيانا بسمه فى وجه الزمان الشين
ودمتم ارض سهله تتلقى كلماهو جميل وطيب وعيون تبكى لما وصلت اليه الأغنيه السودانيه
من هبوط فى المعنى وركاكة فى الأسلوب ،،،،
غيب وتعال
تلقانا نحنا يانا نحنا
ما غيرتنا ظروف
ولا هزتنا محنه
كم بعنا في الغرام
وإشترينا
غير هواك ما ربحنا
يا حبابنا يا شبابنا
يارباطنا يا سمحنا
غيب وتعال
تلقانا بي نفس الايادي
الراجفه مشتاقه
في ساعة سلامك
غيب وتعال
تلقانا بي نفس المشاعر
الطيبه الديمه
تطرب من كلامك
غيب وتعال
تلقانا بي نفس القلوب الياما
حزنت لما فقدت إبتسامك
والله بعدك يا غالي
لا غنينا ولا إنشرحنا
يا حبابنا يا شبابنا
يارباطنا يا سمحنا
تعال لينا
يا أنبل عواطف
طافت الدار الحزينه
تعال لي نفوسنا
إنت يا منبع عذابه
وأنت يا مصدر أنينه
تعال لي ليالينا البواكي
الكانت بتطرب يا زين
يوم تجينا
بالخطى الواعده ورزينه
لا نسيناك وإسترحنا
لا لقيناك وفرحنا
غيب وتعال
تلقانا نحنا يانا نحنا
---------
اهديتك القلب المعذب / هاشم ميرغنى
اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو
بي محنة الزول بيــــــــلوم
دمعة في الخدين بتجـــــري
كنت بأمل أنا في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمري
وكنت دايرك يا حبيـــــبي
لو مرة بي آلامي تــــــدري
في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
ما انت ما الزول المن عرفتو
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو
-----------------------
الســـــهد الألــــــيم - هاشـــم ميرغـــــــني
علمتني السهد الأليم
بكيتني إنت وما بكيت
نزلت دموع تحكي الفراق
وإنت عاندت وأبيت
حتى عمري العيشتو فيك
فرحتو إنت وأنا الشقيت
لازمني إحساسي القديم
الغيرو أبداً ما لقيت
تأسرني بي كلمات غرام
أبقى مقتول بالكلام
أسير في سجنك ليّ زمن
مكتوب عليّ النوم حرام
لاني عارف إني فيك
ولا إنت فيني وأنا الملام
بقيت أخاف من الفرح
لأنو بعدو بجي الخصام
جيت تقول البينا راح
ما أصلو رايح من بدأ
أصلو صرخات من غريق
حتى البحر ما بيردده
وعشمي في الزمن العنيد
غنياتي فيك ما يخلده
خلفت في قلبي الجراح
خلفت فيك ذكرى وصدى
-------------------------------------
انتى مامشتاقة ليّ - هاشم ميرغني
انتى مامشتاقة ليّ
ولا ماعارفة العليّ
لو خلاص خليتى ريدى
يكفينى خاتمك فى ايدىّ
مازمان قبال اسيبك
قلتى لى اوعك تطول
قلبى دايما فى رجاك
المحال غيرك يبدل
عشت بعدك كلي ذكرى
امسى بى طيفك واقيل
الليله قلبك لونسانى
غير عيونك وين اقبل
ما زمان قبال اسافر
كان فراقى كان صعب عليكي
شلت جرحى وفت منك
همى بس كان كيف اجيكي
جيت بى شوق الدنيا كلو
داير احس بى شوقى فيكي
بس لقيت اللهفة راحت
حتى عينيك ما عينيكي
شلت جرحى وفت منك
داير احس بى شوقى فيكي
شلت فرحى وجيت اسالمك
قايلك انتى تحسى بى
وانتى ما انتى الزمان
اصلى مامصدق عينى
انتى ما انتى الزمان لامن
قليبك بالفرح يحضن ايدىّ
داير افوت ياغاليه منك
ابكى واحضن فى الاسيه
إنت كنت وكان زمان - هاشم ميرغني
إنت كنت وكان زمان
إتلاشت صور الحبيبه
والسنين الباسمه راحت
صدقني ما بقدر اجيبه
ضاع معاك كل الامل
بعدو الاماني بقت صعيبه
لا لقيتني قادر إحتمل
لا لقيتك الفرحه القريبه
وإتكسر المجداف حزين
والريح بكت فوق الشراع
نزلت دموعي تبللو
لما الحلم من عيني ضاع
ما كنت قايلك زي سراب
بموجو يسقيني الخداع
داير افوتك وارتحل
لا زاد معاي ولا متاع
وينو سهري العشتو فيك
ما كنت أسعد من معاك
وريتني أكتب في الألم
واتوسد الاسى والهلاك
فتش عليّ تلقاني فيك
إلا قلبي الما لقاك
تنساني زي ما عرفتني
ما عاش وراك قلباً نساك
-----------------------------------------------
ما زمان بتقول عيونك - هاشم ميرغني
ما زمان بتقول عيونك
ريده مكبوب كلو ليّ
قلت ليك قلل حنانك
لما شفتو كتير عليّ
قصدي للاحزان تخلي
من فرحنا فرح شويه
عارف الايام صباحه
تاني يرجع لي أسيه
أنا يا غمام ما كنت قايلك
جناتي يوم بتفارقه
وتضيع معاك ايام سنيني
ما إتهنا جنبك باللقاء
إخترت نسيان الفات
وقليبي من قلبك شقا
حتى كلامك عيونك
في عيونك ما بقى
العيون سألتني منك
لما حست بيّ وحيد
طاريه زمن الريده بدري
لما كان الريد أكيد
بقيت أفتش على خيال
بيهو أتخيل وأريد
بيهو أرحل من عوالمي
لعوالم شوق جديد
------------------------------------------
أٌسبوع تمام - هاشم ميرغني
أٌسبوع تمام ...
أنا كنت عايش في الخيال
أنسج حروف سياله
زي دمع الحنين من عيني سال
أُسبوع تمام ...
أنا والنجوم بنسأل الليل الحزين
لو مره طيفِك ليهو طال
نسرد حكاوينا ونصبِّر في العيون
يا ريتنا نقدر نلقى حال
ما حالنا من بعدك عذاب
وفرحنا من بعدك محال
لوشفتي كيف نحن بنشيل كل الأمل
نفرُش طريقٍك بالورود
ولا مره هان لينا الوصال
وفي عينيّ شوقك ياعظيمه
زي السحاب
يناجيني ويتقاطر ليّ فال
ما إنت البشاره في كل عيد
وانا البعيد..لما القمر حكى ليّ قال
قال ليّ إنتي بعيده جنبو
وانا الهناك فوق الجمُر
ببني القصور من الرمال
أشتت الرمل الحزين
واسأل الودِع البيخدع
يقول ليّ جايه
معاي وجودك إستَحَال
أنا اسأل النخل البهاتي
قبِّل وجيهو مني مال
أنا اسأل الله يجيبني ليك
اخجل كتير من السؤال
ما دربي بعدِك ما سارو زولاً
وعينيّ ماشافت جمال
وبخلتي انتي بصوره لي
اساهر بيها ساعاتي الطوال
بس عزاي فوق الزمن
قوم يافرح اسرع تعال
نوِّر بزيناتك ضلامنا
طوف بالبوادي غنا وموال
رقِّص شبابنا الكلو ريد
وافرد ضفايرنا الطوال
ما انتي اول فرحه ليّ
خجلانه من الخجل ولاّ المجال
ما ترُدي قولي بريدك انتَ
ولاّ قولي ليّ كفاي سؤال
أنا أصلي ما سألتك براي..
بتسأل معاي كل العواطف في ابتهال
انا اصلي ما ردتك براي..
رادوك معاي
ناس الأرض وطيبة الأرض وزرع الأرض
قبل الظلال
أنا أصلي ما بشتاق براي..
بشتاق معاي الليل
وسري الدافنو فيهو والإنعزال
ده كلو في اسبوع تمام
صوَّرتك عروس مليانه
بي عطر الارض
ترقص تميل في الإنهدال
واهدل معاك عيني عجب
سبحان الخلقِك ذو الجلال
وخلقني حارسِك بالعيون
حأظل احرسك ياجمال
---------------------------------
كنوز الدنيا - هاشم ميرغني
لو كنوز الدنيا راحت
صدقيني روحته ما بتخسر
أنا إشتريت بيك عمري كلو
ما في غير فقدك بخسر
لو عجزت النظرات تعبر
خلي الغنا البكاي يفسر
لو وهبتك عمري كلو
تلقيني في ريدك مقصر
أصلي من شوفتك وحاتك
ناوي أبنيلك خميلة
لجمال ما شفنا زيو
لعيون نادرة وكحيلة
خوفي تبقي زي ندرة عيونك
بالوداد دايما بخيلة
تنسجي الأزهار عقودك
وتبقي شوفك مستحيلة
الغنيوه الحلوة ضاعت
والحروف بصعب أقولا
كنت في عيني نجمة
في سماها بعيد وصولها
بقيت في عيني دمعة
لسواك صعب نزوله
العيون ما شايفه غيرك
كفيفة لما يفوته زوله
----------------------------------
شوف العين - هاشم ميرغني
شوف العين قالت ده لا لا
صدت من تيها ودلالا
ريدتك ساكنة الجوف خلالها
و الاعضاء امتزجت خلالها
براق سنك شق لألأ
سهمك صاب احشاي قلالا
اسباب الغي و العلاله
ضمرته والخصر العلالا
نور في نور ياذا الجلاله
خدانك لمعاً جلاله
في الترنيع ماليك مثاله
علمتي الغصن الرتاله
شوفتك كم عاشق أتاله
وعاد مطعون بسهام قتاله
يانسام أوصف جماله
والقامة السيرك أماله
أوصف لي أسباب كماله
وقول لي أٌم خد هاجراني ماله
النسام شال الرسالة
وفي التوضيح روق رسالها
ذكرني الرطب العساله
وهاج الشوق والدمعة ساله
------------------------------------------------
ما مصيرو الحي بلاقي - هاشم ميرغني
أنت أصلك فيني باقي
مهما طال زمن احتراقي
وأصلي راجع لعيونك
ما مصيرو الحي بلاقي
بقيت بغيرك زول بيعيش
في وسط ضباب
حتى الليالي بقت تألم
رسمت على عيوني العذاب
ما مصيرو الحي بلاقي
مهما طال زمن الغياب
ما مصيرو الحي بلاقي
رغم البعد والأميال
رغم البينا من آمال
راجي الدنيا تبسم لي
أكتب فيك كلام ما أتقال
لا سمعوه قبالك
لا أتردد صدى وموال
أزرع بيهو صحاري الريد
من دون مويه لا تربال
ما مصيرو الحي بلاقي
----------------------------------------
ريدتك ساكنة الجوف خلالها
و الاعضاء امتزجت خلالها
براق سنك شق لألأ
سهمك صاب احشاي قلالا
اسباب الغي و العلاله
ضمرته والخصر العلالا
ودناصر نطالب بمحاكمتك عاجلا
----------------------------------------
حتى إنتِ - هاشم ميرغني
الشقى الفي دربك أنتِ
كنت برضو بحسو راحه
والسنين الضاعو مني
كنت رضيان بي رواحه
إلا هسه خلاص عرفتك
والعيون عرفت صباحا
مهما اشتاق لي عيونِك
ما بفكر في سماحها
ياحليل ايام عيونك
كانو وافين زي ما كنتِ
حتى إنتِ الزمن غشاك وخنتِ
----------------------------
أنا وين أدسك - هاشم ميرغني
أقول أشيلك في أحداق عيوني
أخاف النظر يجرح يمسك
أشيلك في حشاشات قلبي جوه
وبرضو الناس تحسك
أنا وين أدسك..
أشيلك في وتر بكاي
أخاف يقروك
في معاني غناي
ولاّ في رنة حزن
لو بح صوت الناي
ويضيع سراً
قايلو عندي براي
أشيلك في مدى الإحساس
يبين شوقي
الأصلو ما بنقاس
واخاف يقروك
في عيوني نعاس
بس قول لي أنا وين أدسك
من عيون الناس
أقول أشيلك في عيوني حنان
أخاف يلقو ريدك
مني وين ما كان
أنا والله صدقني يا إنسان
ما لاقي ليك مكان
وهكذا ستظل الكلمه الرصينه محفوره فى قلوبنا
وسيظل الشعر السودانى اداءة لتغذية العقول قبل القلوب
وستظل مفردات الزمن الجميل تغرد فى سماء الأغنيه السودانيه
وسيبقى هاشم ميرغنى ورفاقه الراحلين عن دنيانا بسمه فى وجه الزمان الشين
ودمتم ارض سهله تتلقى كلماهو جميل وطيب وعيون تبكى لما وصلت اليه الأغنيه السودانيه
من هبوط فى المعنى وركاكة فى الأسلوب ،،،،
